昔日東方政情：議員官員齊齊北上深圳進修
清華大學高級公共管理碩士（EMPA）香港政務人才項目課程深受政界中人歡迎，大家都爭相報讀，只不過疫情多年，一班議員及官員都被迫上網課。隨疫情復常，就連學習都復常，尋日終於可以齊齊前往深圳上實體課啦！
對復課感興奮 大玩自拍
數番呢屆課程應該係前年9月開始，學員包括有議員陸頌雄、郭偉强、張欣宇等，官員則有勞工及福利局副局長何啟明、政治助理傅曉琳等人。能夠復課，眾人都似乎難掩興奮，更大玩自拍。
其中陸頌雄就曾經話中年孭書包有壓力，但如今有得上實體課，似乎暫時忘卻學業壓力，喺社交網站指學而時習之，不亦樂乎。至於傅曉琳亦上載學生證嘅相，有留言指好快就畢業啦，預先祝賀。而有關課程為期約2年，計下都真係好快就畢業，剛恢復實體課就嚟畢業，相信冇學生唔鍾意！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
