梁子穎入「伍」 同事話係「25對」

現代人生活條件好，即使年紀漸長，望落都仲好後生；然而一旦被形容為年屆半百，聽落就難免有一股暮氣。梁子穎嘅議員同事陸頌雄留言祝賀，就好巧妙咁話「25對，只係人生的剛剛開始」，予人嘅感覺真係有朝氣得多。而梁子穎亦都自稱人生走完上半場，會繼續努力再走下半場咁話。

之不過，網絡有資訊指梁子穎係10月生日，咁早就吹生日蠟燭莫非係提早慶生？梁子穎話網上有關佢嘅資訊並唔可靠，總之前日先至係佢生日嘅正日喎。