下年度關愛隊預算2.26億 較坊間推算少逾4千萬

民青局早前呈交立法會嘅文件透露，當局擬於每個區議會小選區設一隊8至12人嘅關愛隊，並提供兩年約80萬至120萬元資助。以全港現有452個區議會小選區推算，全港推行關愛隊涉每年2.7億多元開支。但文件顯示，政府投放於地區服務及關愛隊預算僅有2.26億元，與坊間估計有出入，未知數字減少是否與政府有意縮減區議會選區有關。

早前有聲音大呻資助額唔足夠，難以維持關愛隊正常運作。而政府亦喺關愛隊招標時表明，團體嘅籌款能力將會係考慮因素之一。

民青局下年底嘅預算開支增加，而投放喺青年宿舍計劃嘅開支，就較上個財政年度增加59.2%，至382萬元。