昔日東方政情：大讚派飯善舉 洪雯搵明哥做研究
香港貧富懸殊問題嚴重，窮人唔單止無啖好食，有啲甚至連飯都無得食。好彩有啲社會企業，好似由明哥創辦嘅「北河同行」會不時派飯畀啲有需要嘅人，等佢哋可以飽肚。選舉委員會界別議員洪雯見到明哥咁成功，仲特登搵明哥做研究喎。
做研究？點研究呀？最好嘅方法梗係坐低傾吓偈！話說洪雯日前請咗明哥、明嫂，同埋西貢區議員方國珊，仲有一班熱心社會事務嘅街坊，去立法會咖啡廳傾偈同佢哋請教。洪雯就覺得雖然明哥冇讀過好多書，亦唔係富貴，但佢嘅「北河同行」10幾年嚟持續為露宿者送飯，亦正將服務網絡擴展到多區，絕對係優秀社企案例，值得研究咁話。
其實佢哋唔係第一次見面，事關早喺舊年洪雯已經去過深水埗「北河同行」做義工，唔單止夾手夾腳做飯盒，仲去派飯畀露宿嘅寂寞人添！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
