政情：選舉條例脫節 反覆填表太費時

陳勇話要繼續秉承公平公開的原則，適當簡化現有行政程序，令選舉更高效同人性化，又話依家係電子化年代，但好多嘢需要反覆填表，不利於現代化選舉高效運作。

另一議員梁美芬批評選舉條例係唔鼓勵選舉，好多候選人因為瑣事而唔敢放開去做宣傳工作；議員黎棟國就話未來有大量市民返回內地生活，投票方面下下走返落嚟香港係好慘，而選舉條例亦有過時嘅地方。社福界議員狄志遠直情話點票嗰下真係痛苦到不堪，等到天光都未得，候選人梗係心急如焚，依家有空間去處理相關議題嘞！

咁小組委員會做啲乜嘢？陳勇話會檢視選民資格同登記程序，檢視投票、點票安排同便利喺內地嘅香港選民投票，就呢啲範疇提出改善建議，同時又會檢視選舉開支、宣傳品同支持同意書等申報安排等。