政情：人們誤解家務助理 林振昇話唔係阿四

話說林振昇近日接受訪問嘅時候，憶起自己以往喺勞聯初頭嘅經歷。佢話開頭係擔任「進修中心主任」，負責籌辦再培訓課程，而「學生」係一班中年人士。喺當時報讀「家務助理」課程的學員入面，唔少人都覺得家務助理等於做下人，於是佢就同學員解說，話家務助理嘅工作係對現代家庭很重要嘅職業，絕對唔係下人，改變佢哋嘅誤解。後來，見到班學員建立起自信心，喺自身崗位上愈做愈好，佢都感受到教學嘅意義，仲得到好大嘅滿足感添！

林振昇原來唔單止同教育有緣，仲與佛有緣添！原來佢細細個就喺佛教學校讀書，而喺讀書時學到嘅佛理，亦幫到佢去解決喺工作同生活上遇到嘅問題，仲令佢學識唔好咁執着。