昔日東方政情：林筱魯誇下海口 幫球隊堵漏
立法會過往都會組足球隊，同政府官員、公共機構或社會團體「以波會友」。前日停辦近4年嘅足球友誼賽終於再舉行，可惜班議員就輸波。之不過，竟然有議員「大言不慚」咁話，「我一定能夠幫球隊堵塞後防嘅漏洞」，邊個咁有勇氣啊？
專登去買齊裝備
原來係林筱魯，其實佢嘅身形唔算纖瘦，所以佢話靠自己嘅身形同「堅定不移穩守崗位嘅意志」，如果對手夠膽正面向佢直衝嘅話，一定可以幫到球隊堵塞後防嘅漏洞咁話喎。
講到咁勁，但佢前日係冇落場踢波。之不過佢尋日就專登去買咗對波鞋同運動眼鏡，仲話要即刻落場再上新征程添！話晒佢個名都喺立法會足球隊嘅名單上面，所以買齊裝備先，仲話要為下次比賽做好準備！咁究竟佢喺球場上嘅表現係點？就拭目以待啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
