政情：狄志遠玩菲林相機 話有不同韻味

其實狄志遠手上呢部菲林相機，佢嘅議助同事先至係物主，當然亦都係二手貨。雖然部相機係有番咁上下年紀，但機件操作正常，睇番議助同事幫佢拍攝嘅記者會影像，鏡頭質素仍然相當唔錯，較諸數碼影像，佢話菲林效果確有另一番韻味。雖然狄志遠年輕之時，都有玩菲林相機，不過早已束之高閣，塵封多年就算搵番都要報廢㗎啦。

由於菲林相機早已被市場淘汰，狄志遠話要再入手就要靠二手市場，至於菲林嘅購買同沖洗儘管仍有渠道，但就變得非常之「小眾」，所以依家玩菲林相機，不但要預咗「貴」，最好有埋情報交流，而佢就由於不時同議助同事交換有關相機同菲林嘅資訊，大家見面都多咗話題。