政情：僭建問題良久 劉業強：清拆幾棘手

劉業強話，相關政府部門已經好努力咁跟進涉及僭建嘅新界村屋，但佢相信餘下嘅工作比較難處理，事關唔少僭建物都係有人住、面積約百多二百呎、細細間、五六層排屋嗰一種，仲要緊接其他單位添，清拆嘅難度較高。

講到難以處理嘅僭建物，劉業強指香港其實都有好多，而新界村屋僭建問題長達十多年，可否告一段落呢？佢話希望採取先易後難嘅方法，都想幫助相關居民，但奈何有啲「禁區」，都幾棘手。不過若進行重建，劉業強認為係可行嘅解決方法。