政情：翻新街市冷壓機亮相 方便回收發泡膠箱

陳家珮話發泡膠箱造價平、可以保溫，唔少魚檔都會採用，加上舊年內地拒收香港用過嘅發泡膠箱，導致街市內外有好多發泡膠箱堆積喇。之但係，依家有冷壓機壓縮後，就可以壓縮後存放，之後交畀「綠在區區」處理同回收。

前年11月開始翻新工程嘅香港仔街市，係食環署推行「街市現代化計劃」嘅重點項目，預料本年首季開放。陳家珮話翻新後嘅街市唔會再濕𣲷𣲷，雞檔亦會用玻璃隔開、採取「人雞分隔」措施，相信到時入街巿光顧嘅市民都會多啲，自己得閒都會嚟幫襯咁話。