政情：全政府動員演練 公僕有微言

梁籌庭話，有公務員對政府安排有微言，雖公務員願意喺社會突發情況下挺身而出，不過如果公務員未能喺指定時間內抵達會面對紀律處分，擔心會對其產生心理負擔。佢又話好多同事收到要組織應變隊嘅訊息後反應嘩然，認為自己唔係擔任紀律部隊，打工啫，唔係應變部隊嚟喎，點解要咁呢？

佢又話唔同部門要求公務員嘅候命時期各不相同，有部門長達半年，如果半年內要隨時預備緊急傳召喺任何時候出現，會令公務員日常生活會受影響，建議政府劃一候命期為兩個月，所有公務員輪流負責候命。