要聞港聞

政情:李世榮5星辦公室 工作運動兩不失

鄧家彪(右)喺李世榮(左)嘅辦公室試踩踏步機。 鄧家彪(右)喺李世榮(左)嘅辦公室試踩踏步機。
鄧家彪(右)喺李世榮(左)嘅辦公室試踩踏步機。
立法會綜合大樓裏面嘅議員辦公室,雖然面積大致相若,但內裏擺設就各適其適。議員鄧家彪(Bill)日前到訪另一位議員同事李世榮嘅辦公室,就九龍東鐵路連接新界東南嘅項目交換意見。事後阿Bill大讚對方嘅辦公室布置優雅,仲以「五星級」嚟形容添!莫非李世榮間辦公室裝修得富麗堂皇,極盡豪華?
添置單車機踏步機
答案啱啱相反,其實李世榮嘅辦公室係以清簡而著稱。佢話自己就任立法會議員之前,曾目睹好多議員辦公室內裏堆滿文件或充斥各種雜物。而當佢獲得議席並取得辦公室鎖匙之後,就希望享受多啲室內空間,佢除咗汰換上一手留下嘅舊家具,新添置嘅物件並唔多,不過當中有兩件相當重要嘅器具,就係單車機同踏步機嘞。
李世榮話議員工作繁忙,要抽時間做運動真係唔容易,因此購買單車機,以便佢一邊踩一邊睇電視;至於要閱讀文件,就改為踩踏步機。因應踏步機需採取站立姿勢,連帶張寫字枱都係可以調校升降㗎。佢仲話希望其他議員同事都會倣效,喺辦公室多啲做運動,但可能礙於大家都比較內斂,響應嘅同事暫時唔係咁多。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500