政情：情人節收波波糖 黃俊碩甜入心

波波糖？唔係棒棒糖呀！Edmund喺社交平台貼文，話波波糖係貴州特產嚟。咦！畀咗貼士大家，估吓邊個送嘅？咪就係佢嘅同事洪雯囉！洪雯嘅家鄉係貴州，佢專登送畀Edmund嘅，波波糖嘅包裝盒仲印有瀑布，係貴州另一名勝景點——黃果樹瀑布。Edmund話令佢喺2月14日呢個特別日子甜在心頭。

點解Edmund感受咁深？原來有段古。佢話食完波波糖後，即時回想起10幾年前仍然喺舊公司做審計工作時，曾經到貴州為一項目做審計，當時亦曾去過啲名勝景點同食過波波糖。佢話當年都覺得波波糖幾有特色，估唔到喺10幾年後，可以喺同事洪雯手上再次食到呢款貴州特產。

佢仲話當年做審計，可謂走遍大江南北、穿州過省、走訪唔少地方，亦正正令佢了解到唔同企業、行業嘅經營模式，種種嘅經驗真係要經歷過嘅朋友先明白喎。