政情：塊牌喧賓奪主 陳學鋒發言被遮住

話說議員陳學鋒準備提出「大嶼山的交通運輸網絡」嘅口頭質詢。按規矩，議員需經主席點名先可以企起身發言，之不過陳學鋒仍然坐低時，塊牌已經豎起，以致完全遮住陳學鋒個樣，怪唔之得主席問「陳學鋒議員你喺唔喺座位？」又話「請你將你塊牌放低先，我睇唔到你」。

陳學鋒聽罷表示「好啊」。不過主席都重申「你可以喺你發言時舉起塊牌，你唔發言時唔好丟個牌出來阻住我視線」，直到陳學鋒企起身，先至露出咗佢嘅尊容。