政情：教委會暑假外訪 考慮以國新加坡

雖然教育事務委員會嚟緊會外訪，但佢哋目前仲未揀好去邊度。身兼委員會主席嘅梁美芬透露，委員會正考慮去新加坡定以色列好，目前未有定案咁話。佢解釋，點解會係呢兩個地方，係因為以色列嘅科技先進，而且教育幾好，特別係家庭教育方面。委員會同樣認為新加坡喺愛國教育方面有目標，同埋會分階段去教，所以佢哋決定喺呢兩個地方二選一。

雖然佢哋仲「十五十六」，未揀好去邊，但梁美芬就話一定喺暑假前後成行，等委員會揀好去邊，就會聯絡外訪地方商討行程，亦會同其他事務委員會協調，確保唔會去同一個地方喎。