政情：謝偉銓解構情人節送禮初衷

呢個啞謎係建築、測量、都市規劃及園境界議員謝偉銓（Tony）提出嘅，佢尋日喺社交平台話尋日係情人節，要甜甜蜜蜜，市面都推出唔少朱古力主題嘅產品，Tony仲解構點解喺情人節要送朱古力？係咪受日本影響？佢話以香港嚟講，朱古力多數只係送畀另一半。不過作為社交禮儀嘅一部分，日本男女則需要準備埋朱古力同小禮物畀異性同事，都咪話唔費時費力，所以近年多咗人呼籲停止呢個習慣，讓情人節送禮回歸表達對另一半心意嘅初衷。

講到初衷，Tony就扯埋房屋問題嚟講。佢話公營房屋政策嘅出發點係滿足基層住屋需求，但長期「重公營、輕私樓」嘅方針反而加深年輕人同家庭對公營房屋嘅依賴，違背政策初衷，單位自然起極都唔夠啦！佢仲賣關子，話遲啲會提出一啲改革方向。