政情：去社企學沖咖啡 麥美娟倒瀉籮蟹

話說麥美娟去咗間社企幫手，一向飲開齋啡嘅佢學沖咖啡，仲學埋「拉花」添！冇經驗即係冇經驗，過程中佢唔小心搞到「火山爆發」咁，將啲奶倒到周圍都係。搞成咁，店員都好難畀高分佢喇，終於畀咗65分，叫做合格多啲。好彩佢後尾都成功扳回一城，之後跟店員學手沖咖啡時都叫有板有眼，個店員仲讚佢有天分，沖到有咖啡嘅風味！

喺社企做咗成日，佢都有一番體會，覺得社企同普通企業唔同，社企有人情味啲，又呼籲多啲人支持咁話。