政情：唔做跑手 郭玲麗漏夜出門口

原來唔係！雖然Lillian過去都參加過馬拉松，但今年就冇，而係擔任醫療輔助隊成員，所以佢先要咁早出發，然後趕喺凌晨4點「set（設置）晒野（嘢）」。雖然佢話，期間飢寒交迫，但順利完成都值嘅，仲話想叫大家了解多啲背後默默付出努力嘅工作人員添！

咁辛苦，賽事結束之後就要飽食一餐啦！Lillian就食咗超大碗嘅排骨飯（小圖），仲瞓到下晝4點。至於下次會唔會做跑手？Lillian話以前跑10K係ok嘅，如果將來要參加21K，即係半馬嘅話就要再練練咁話喎。