昔日東方政情：簡約公屋乏資訊 江玉歡去信房屋局
政府提出興建簡約公屋，立法會工務小組委員會於本周三（8日）通過相關議程，將遞交至立法會財務委員會審議。議員江玉歡喺工務小組討論當日，指政府資料不足最終冇出席會議，至尋日就去信房屋局局長何永賢，提出12項問題，希望得到相關資料。
提12問題 冀減市民誤解
江玉歡喺社交平台貼文表示，簡約公屋項目選址、建造、撥款等多方面事宜喺市民中間引起討論。雖則建造簡約公屋嘅出發點係好，但認為政府向立法會提出簡約公屋嘅討論文件細節仍有較多不足。故此致函房屋局，希望局方公開更多詳細資料，從源頭減少市民對政府新策嘅誤解。
佢希望局方提供多項數據，包括營運開支嘅具體分項、本港輪候公屋人數、如何確保入住率、長遠如何解決房屋供不應求、屆時拆卸同清場時間等。唔知局方回覆後，議員對簡約公屋嘅態度又會否有所轉變呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
