政情：國貨公司貴花瓶 激似洪雯老家舊物

其實本報都有報道過，洪雯老家嗰件晚清婦人造型嘅花瓶小擺設。後來洪雯嘅朋友就喺國貨公司，發現一對同樣以婦人造型嘅小花瓶，造型設計簡直如出一轍。儘管對方形容「找到了失散80年的兩個妹妹」，但洪雯將相片對照比較，話睇落都幾似，但又唔多似喎，仲話「時光不語，回憶竟有價」添。

如果論價格，洪雯曾指老家舊物有巿井氣，當然唔似得國貨公司商品咁矜貴；但老物件喺心目中嘅價值，應非金錢所能衡量。