昔日東方政情：組裝合成新辦公室 立會下周晒示範單位
立法會綜合大樓正在擴建，將會喺依家嘅高座加建4層，而新建樓層嘅議員辦公室會採用「組裝合成」建築法建造。工程承辦商近日已經完成裝嵌議員辦公室嘅模擬單位喇，將會邀請議員參觀。
倡議員着便服參觀
話說立法會財務委員會之前通過立法會綜合大樓擴建計劃，涉款約11.7億元，但因建築署低估有關造價，擴建工程追加33%，令造價飆升約15.6億元。點都好啦，大樓擴建終於都有所進展，將會邀請議員喺下周一同下周二參觀模擬單位。立法會文件話，建議議員穿着輕便服飾，現場亦會派發安全帽畀所有參加議員佩戴。
其實政府擬興建嘅「簡約公屋」都係用「組裝合成」，但被指造價過高而惹來唔少議員不滿。咁啱今次立法會大樓嘅議員辦公室都採用「組裝合成」喎，唔知啲議員點睇呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
