政情：陳祖恒送港產布袋 葉劉讚好用

葉劉當日拎完個袋並冇束之高閣，而真係有攞出嚟用喎。葉劉大讚個袋質地好，布料織得相當不錯，靚過一般環保袋。過往曾任職貿易署嘅葉劉曾代表香港談判，為業界掃除貿易障礙，推動科技創新同工業發展，因此對紡織有一定認識。

陳祖恒就指唔少議員都大讚呢個香港製造嘅袋，但笑言自己都無實質使用，喺立法會手拎住啲嘢就走，不過女士有個袋會方便啲。佢強調個袋環保、可重用、質料好，主要係想大家知道本地生產其實都有好嘅設計，又指港府雖支持推動本地再工業化，但都要有市場有需求先至得，所以要多做宣傳，而呢個袋嘅相關技術亦可做製造 攬枕、地氈等。