政情：邱達根試玩AI 官腔回覆唔過癮

Duncan問咗3條問題，分別係「你覺得香港會成為國際創科中心嗎？」、「你覺得邱達根的表現如何？」同「邱達根應該向港府建議甚麼政策？」無論係邊條問題，AI都要戴番「頭盔」話「作為一個人工智能模型，不具有個人意見」、「不具有對邱達根的表現做出主觀評價的能力」，唔怪之得Duncan話AI未有耐可以取代議員同佢哋嘅工作啦！

戴頭盔之外，其實AI嘅回應都叫有頭有路，例如第一題嘅答案，人工智能話「香港面臨了許多挑戰，例如政治不穩定和經濟下滑，這些因素可能會影響其成為國際創科中心的能力。」至於點評論Duncan本人，人工智能都話「評估一位議員的表現通常需要考查他在立法會內外的言行以及對社會和政治環境的影響。」

唔知係咪因為AI嘅答案睇落官腔得嚟又有啲道理，有人就話有啲議員講嘢都好似AI嘅「model answer（標準答案）」，其實有大學教授覺得AI寫嘅論文好過學生寫嘅，相信都會有市民覺得人工智能嘅答案好過啲議員講嘅。