要聞港聞

政情:邱達根試玩AI 官腔回覆唔過癮

邱達根同AI對話,AI唔識評價佢嘅表現。 邱達根同AI對話,AI唔識評價佢嘅表現。
邱達根同AI對話,AI唔識評價佢嘅表現。
近排網上興起一個人工智能聊天機器人程式,佢嘅智能程度為人所讚嘆,甚至有大學教授擔心學生用呢個人工智能(AI)作弊,身為科技創新界議員嘅邱達根(Duncan)都試玩埋一份,但佢睇到呢個AI嘅回答之後,就話取代唔到佢議員嘅工作喎,因乜解究呢?
無法取代議員工作
Duncan問咗3條問題,分別係「你覺得香港會成為國際創科中心嗎?」、「你覺得邱達根的表現如何?」同「邱達根應該向港府建議甚麼政策?」無論係邊條問題,AI都要戴番「頭盔」話「作為一個人工智能模型,不具有個人意見」、「不具有對邱達根的表現做出主觀評價的能力」,唔怪之得Duncan話AI未有耐可以取代議員同佢哋嘅工作啦!
戴頭盔之外,其實AI嘅回應都叫有頭有路,例如第一題嘅答案,人工智能話「香港面臨了許多挑戰,例如政治不穩定和經濟下滑,這些因素可能會影響其成為國際創科中心的能力。」至於點評論Duncan本人,人工智能都話「評估一位議員的表現通常需要考查他在立法會內外的言行以及對社會和政治環境的影響。」
唔知係咪因為AI嘅答案睇落官腔得嚟又有啲道理,有人就話有啲議員講嘢都好似AI嘅「model answer(標準答案)」,其實有大學教授覺得AI寫嘅論文好過學生寫嘅,相信都會有市民覺得人工智能嘅答案好過啲議員講嘅。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500