政情：同學員溝通 顏汶羽慘食檸檬

學員梗係唔係針對Frankie同計劃啦，只不過係對從政興趣不大，學員其實想從事醫護行業，仲計劃上急救同英文課程添！Frankie參加呢個計劃都係希望幫助有志參政同服務社會嘅青少年實踐佢哋理想，但面對目標清晰嘅學員，Frankie都只能盡量幫佢，所以未來打算同學員一齊去私家診所、安老院舍體驗醫護工作，了解行業情況同職業路向。

針對呢個問題，Frankie就話學員同友師嘅配對機制實質上好隨機，未必可以畀學員搵到最適合自己嘅導師，希望未來導師背景同學生興趣、志向應該要配合得到；另外導師亦應該有得揀配對嘅區域，方便雙方見面，如果唔係就難以拉近師友關係咁話喎。