政情：巧遇江旻憓 梁熙憶棄玩劍擊

Edward話細個都好想學劍擊，但嗰時劍擊唔及依家普及，好似係貴族先可以學習嘅運動，佢只好喺家中用竹枝模仿打劍，冇渠道正式學劍擊。不過，佢尋日見到啲劍擊運動員，都係打消呢個念頭啦！因為佢話見到啲劍擊運動員，先發現原來佢哋咁高，覺得自己都係唔夠高玩，所以都係放棄啦！但佢就話會推薦身邊啲高佬去打喎。

查實睇番張相，Edward都唔算矮。據Edward透露自己有約173cm，咁對比番Vivian嘅178cm，佢都係差少少啫，都未嘗唔可以試吓喎。佢仲大讚平時多戴頭罩嘅Vivian，私下非常親切，笑容甜美，難怪有「微笑劍后」之美譽，佢都忍唔住要合照打卡。