政情：陳祖恒全家集體免疫 暢遊峇里島曬到燶

陳表示，上月底趁假期與家人一齊前往峇里島旅遊，期間多數時間都係陽光與海灘，皮膚喺烈日暴曬下難免紅腫甩皮，雖然有啲痛但仍覺得好開心，可以用整個假期陪伴太太及4個小朋友，確實難能可貴。況且佢同太太都偏愛陽光充足嘅國家，因此選擇峇里島。

不過，陳喺去年6月確診新冠肺炎，但太太及4個小朋友都未曾中招，一齊外遊期間又會否戰戰兢兢？陳就笑言，早喺1月初一家人前往新加坡旅遊時便全數中招，一次過集體免疫咁話，幸好幾個小朋友都冇咩大礙，只係不適咗兩日，喺酒店休息之後好快就恢復精力，繼續生龍活虎。