要聞港聞

政情:創科發展難 孫東:資金係重要一環

孫東 孫東
孫東
香港銳意發展創科,但成績乏善可陳。創新及科技局局長孫東尋日出席交流會,向業界簡介並討論,去年年底政府推出嘅創科藍圖。有出席會議嘅創科界人士,批評政府無為創科業界提供足夠支援,未能帶動投資氛圍;而香港雖貴為「國際金融中心」,亦無法吸引外資挹注本地創科產業!孫東同意發展創科,資金係重要一環,但佢話政府成立「共同投資基金」,已經係邁出重要一步喎。
倡加強與大學聯繫
其實香港嘅初創氣氛,向來都唔熱烈,與會嘅業界人士就促請政府同大學方面,應該喺多個層面支持初創企業,營造良好投資環境,完善監管機制以配合行業需要。亦有人質疑本港嘅大學,其科研成果未能「落地」,就算教授產出唔少優質論文,惟往往「無人用」,要求加強創科界與大學聯繫,做到「產、學、研」合作。
儘管孫東以「年青」嚟形容香港嘅創科生態,又指以往政府秉持「大市場、小政府」原則,成立「共同投資基金」扶助企業已經係邁出重要嘅一步。孫又到香港過去喺招聘人才方面「做得不錯」,惟近年吸引力有所下降,當局非常「焦急」,會因應問題而推出不同措施。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500