政情：外傭法例未釐清 顏汶羽促修訂

顏汶羽提到現行嘅「標準僱傭合約」乃多年前訂立，往往難以解決一啲外傭問題，包括未有列明外傭喺香港醫療機構進行體檢不合格嘅情況安排，演繹方面存在灰色地帶，建議修訂合約，須列明外傭倘喺香港進行體檢唔過關，僱主有權解除合約。顏又指目前處理外傭事宜嘅部門分散，促請成立外籍家庭傭工事宜監管局，「一條龍」處理發牌、審批、培訓及巡查等工作，同時建議監管局向外傭提供培訓課程，幫助佢哋了解香港法規、學習廣東話等。

針對提早終止合約及轉換僱主嘅「跳工」問題，顏汶羽認為外傭若果未能按合約完成兩年嘅工作期，必須7日內離港，兼且兩年內不得再次申請來港工作。