昔日東方政情：堆填區臭熏天 當局死撐符合標準
新界東北堆填區臭味問題一直困擾港深居民，引發投訴不斷。立法會環境事務委員會尋日討論堆填區改善措施，政府稱投放1.6億元改善，又指氣味水平符合「國家標準」，議員陳月明對此表示不滿，形容新界東北堆填區「每一日都喺度臭」，而標準還標準，事實還事實。環境及生態局局長謝展寰則回應指，符合國家標準唔代表冇臭味喎。
陳月明叫正視事實
根據環保署文件，政府投放1.6億元進行新界東北堆填區嘅氣味管理措拖，包括噴灑礦物沙英泥漿塗料、提前蓋上潔淨泥土的工序、縮短堆填區接收廢物嘅時間以及增設氣味中和機等等，並預計自2023至24年度起新增約1.1億元嘅營運開支。
不過陳月明就直指東北堆填區每一日都喺度臭，甚至尋日仍收到居民嘅投訴，不滿局方往往回覆投訴指符合標準，例如當提出意見好似水質，最後回覆就話符合標準，提出臭味嘅，最後回覆又話符合國家標準，認為局方真係要正視吓標準還標準，事實還事實。
對此，謝展寰就解釋指「國家標準」並非定喺所謂無味，而係定喺啱啱聞到嘅情況，所以符合國家標準唔等於一定聞唔到味咁話。咁嘅答覆確實出乎大家意料之外，如此一來，臭味要如何衡量，又如何改善？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
