政情：水煙易上癮 江玉歡叫規管

江玉歡近日行過尖沙咀同灣仔區，指見到有愈來愈多設水煙嘅餐廳同酒吧，有時甚至見到客人喺室內食水煙。佢對此感到好好奇，因眼見好多年輕一族都有食水煙嘅習慣，於是翻睇醫學雜誌，發現水煙都會上癮，而且食水煙吸入嘅煙草量比普通香煙高出好多倍，容易患上肺癌同食道癌，而且都會有二手煙問題。

既然有咁多問題，咁立法規管咪得囉？江就指唔係要立刻好似英國、馬來西亞同新加坡等地禁止或限制水煙店，但為市民嘅健康着想，政府需要盡快向公眾講解水煙對健康嘅影響，以及嚴格規定同執行餐廳酒吧只可向18歲或以上人士出售水煙服務及只可喺室外吸食。