政情：英方撤邀兩議員交流 葉劉話政治壓力左右

葉劉尋日出席一個電台節目後批評主辦方嘅聲明完全無理據，根本不了解香港嘅情況，立法會恢復秩序同效率，無再出現拉布或者「掟嘢」嘅場面，亦通過咗好多重要嘅法例。佢又話香港情況比2019年改善咗好多，恢復社會秩序同法治，社會欣欣向榮。佢質疑有流亡英國嘅「反中亂港」分子「搞事」，不斷狙擊李梓敬，亦向英國國會施壓。

事緣議員李梓敬同簡慧敏獲邀，出席由英國議會同英聯邦議會聯合會合辦嘅西敏寺研討會（Westminster Seminar）。聯合會英國分會日前發表聲明，話執行委員會喺早前嘅會議上，一致同意由於「香港情況惡化」，所以撤回對香港立法機關嘅邀請。