昔日東方政情：議案結緣 林振昇孖林素蔚開辦事處
議員「孖頭」開設地區辦事處已成為新常態。選委會界別議員林振昇同新界東南直選議員林素蔚尋日同打工仔女拜年，祝大家開工大吉。唔單止咁，佢哋宣布喺2月4日，即係立春當日喺將軍澳開辦議員辦事處添！咦！一個選委會界別，一個係地區直選，睇落大纜都扯唔埋，竟然一齊開地辦？
選址將軍澳 下月4號開張
點解兩人會合作呢？林振昇話早前喺立法會提出「推動職業教育發展，培養人才構建多元出路」嘅議員議案，當時林素蔚都有提出修正案，雙方發覺十分投契。咁啱林素蔚打算開設地辦，就邀請埋佢喇。
林素蔚就話皆因林振昇住喺馬鞍山，佢曾幫過林振昇處理屋苑問題；加上大家都關注勞工福利，所以就合作開地辦。佢仲話今次係自己第一次同其他議員合作開地辦，希望嚟緊可以一齊處理地區事務同埋基層福利問題。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
