笑看天下：烏總統又唔懵得晒

據悉，信中列有澤連斯基對結束俄烏戰事嘅建議，有關信件亦會交給歐盟委員會主席萊恩和瑞士總統貝爾塞。奧廖娜說，團結才能帶來和平，俄烏戰爭具有全球影響，如果烏克蘭被擊敗，情況可能會變得更糟。俄羅斯嘅侵略從未打算喺烏克蘭邊境停止，一旦烏克蘭輸了，戰爭可能會繼續並引發更廣泛危機。

好明顯，戲子總統澤連斯基肯定冇咗當初嘅氣燄，以為憑美國及歐盟諸國嘅軍援和資金，必可打敗俄羅斯；然而，普京之永不言敗精神，其堅毅出乎佢所預料，去年11月佢提出10點停戰方案，其中包括俄軍全面撤出烏克蘭和設立俄羅斯戰爭罪行法庭等。阿哥，這不是癡人說夢是甚麼？如此把普京看扁了，根本係對普京嘅侮辱，普京說過，如果不準備動武就不要拿起武器；俄羅斯疆土確實很大，但沒有一寸是多餘的。是以澤連斯基嘅停戰方案，必然給克里姆林宮一口拒絕，並反過來要求烏方承認4個俄軍佔領區納入俄羅斯版圖，先至有可能結束戰爭！

種種迹象顯示普京不但不會停戰，且不斷部署擴軍！戲子總統應該已聞到普京嘅強悍氣味，於是出動老婆把信交給同場出席年會嘅中國副總理劉鶴，轉交給中國國家主席習近平。睇來戲子總統又唔懵得晒，起碼佢知當今世界誰主浮沉，好多事情已非美國說了算；其次中國對於俄烏戰爭，一貫主張以和為貴，一直強調和平解決；而中俄關係密切，能說服普京停戰，惟中國而已矣！