政情：陳健波網上揮毫畫福兔

陳健波喺社交平台上載佢即席揮毫嘅短片，可見佢用毛筆喺方形紅紙上畫咗一隻兔仔出嚟賀兔年，只見佢大筆一揮，一隻栩栩如生嘅兔仔即告俐落成形，繼而再喺兔仔個肚寫一個「福字」，都可謂錦上添花。佢亦都趁住春節將至，向市民拜過早年，祝巿民兔(吐)氣揚眉、大吉大利，最緊要係身體健康，仲祝新一年大家要玩得開心啲！

至於容海恩就去到街站寫揮春，賀年說話當然少不了，包括萬事如意等。唔少網民大讚佢手字，形容係「筆走龍鳳氣如鷹」，仲話「靚人靚字，福臨福到」，甚至有網民留言話索取，容海恩都無托手踭，只要留地址就可以郵寄奉上咁話。