昔日東方政情：遠足爛頭營 黃錦星樂做挑夫
雖然呢幾日天寒地凍，冇乜事都唔想郁，但早排天朗氣清，好多人去郊遊。好似前環境局局長黃錦星就去咗以芒草景色而著名嘅大東山。因應呢次遠足，佢喺中環一帶預購物資然後孭上山畀其他人用，雖然好似舊時嘅挑夫咁，但係佢都好樂意喎，點解呢？
孭鮮果盤上山酬謝團隊
原來黃錦星係參與香港建築師學會嘅活動，探究俗稱「爛頭營」嘅大東山石屋群，而嗰次行程仲請咗中文大學建築學院嘅3人核心研究團隊做沿途導賞，揭開近百年歷史嘅石屋群內外同「天池」等地嘅神秘面紗。隨住大隊上山、落山，行咗超過兩萬步嘅黃錦星，了解到當地嘅石屋群其實係來華宣教士所建嘅避暑營地。因歲月滄桑，爛頭營石屋群同其周邊地區亦已開展保育措施，佢又喺社交平台貼文，呼籲山友切勿攀上石屋，以免百年老屋屋頂承壓受損呀！
為咗酬謝團隊嘅辛勞，當日黃錦星就揀選一大盒鮮果盤孭上山。之不過，呢次遠足活動據講逾50人出席，鮮果盤要幾大盒先至夠分呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
