政情：議員憂家事法庭裝修 阻搬遷大樓

議員謝偉銓話政府大樓內嘅家事法庭，裝修費用約4,000萬元，擔心大樓搬遷計劃會否因而拖慢。政府代表回覆話唔會因工程延誤而延長使用大樓。事實上，早前在發展事務委員會上，亦有議員指出家事法庭嘅相關支援服務設施預計只能夠用一段短時間，認為並唔合乎成本效益。

教育界議員朱國強就話有關中小學同特殊教育學校嘅改建加建工程預算只有約10億元，較舊年約15.3億元，少咗34.4%，質疑預算「不成比例」。佢話部分學校設備陳舊、急於改善，質問政府減少預算嘅原因。教育局總屋宇保養測量師范劍鋒回應時話預算減少係因為有部分工程舊年已批出撥款，令有關需求減少，強調學校維修撥款並無減少。