昔日東方政情：兩醫生控誤殺 潘佩璆：醫護人人自危
患有腎病同乙型肝炎嘅鄧桂思喺2017年被醫生「開漏藥」，導致出現急性肝衰竭而需兩度換肝，最終不治，45歲同50歲醫生早前被控誤殺罪。案件鬧得沸沸揚揚，前立法會議員、香港醫療人員總工會主席潘佩璆就話患者家屬失去至親令人傷感，但兩位被控誤殺嘅醫生同佢哋嘅家人都同樣感到悲傷，事件甚至會令到醫學界人人自危，影響醫院日常運作添！
潘佩璆點解話醫學界因為呢件事會人人自危？原來係因為大家覺得專業失德同誤殺之間嘅分界線模糊。佢形容，醫療人員嘅工作本身就存在一定風險，而且人非機器，出錯可以減少，卻難以根除，佢睇番之前嘅情況，其實一般醫生因為失誤導致病人受傷甚至死亡都會被醫委會裁定專業失德，但去到要判處誤殺罪，連其他先進國家都好少見。
部分提早退休避風險
兩個醫生突然被控誤殺罪，佢認為呢件事令到醫護人心惶惶，佢哋就只好放慢工作腳步，甚至避免做一啲風險較高嘅手術，小部分醫生又會提早退休，以減低自己嘅風險。潘佩璆覺得一件事導致醫療服務嘅質同量被影響，可能唔係市民樂見嘅後果。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
