政情：譚玉瑛現身 鄧家彪秒變乖仔

嗰個就係陪往好多香港人長大嘅兒童節目430穿梭機嘅主持人譚玉瑛姐姐啊！話說阿Bill尋日喺社交媒體度上傳咗一張同譚玉瑛姐姐嘅合照，仲講話「譚玉瑛姐姐話睇佢節目嘅小朋友特別乖，我馬上舉手話自己係佢觀眾……有幾乖？」計番年紀，阿Bill都應該係睇430穿梭機大嘅，譚玉瑛姐姐可能係佢偶像喎。

講咗咁耐，阿Bill到底覺得有咩咁乖呢？咪就係做善事囉，佢哋之所以有機會相遇就係因為做善事，原來阿Bill同會計界議員黃俊碩聯同香港華人會計師公會義工隊，去咗為彩虹邨一百戶長者送暖，了解佢哋嘅生活狀況，仲為佢哋送上節日祝福。睇落又真係幾乖嘅。