昔日東方政情：尚海龍深圳灣快閃 過關6分鐘搞掂
政府尋日宣布喺農曆年尾增加多個口岸嘅過關名額，方便市民回鄉度歲。可能距離出入境高峰期仲有一段日子，議會「新丁」尚海龍前日親身測試過關順暢度。大家估吓佢過關用咗幾多時間？
講你都唔信呀！尚海龍喺社交平台貼文，話佢下晝4點抵達深圳灣關口，實測過關用咗6分鐘咋！唔係呀？咁少人？由於過關咁超速，佢仲搭多句話「灣區生活真的復常啦！」
梁熙預告今日實測高鐵
其實，好多議員喺通關當日四出測試各口岸嘅過關情況，尚海龍嗰日去咗機場，話見到人頭湧湧。另一議員張欣宇打咗個白鴿轉，去深圳食早餐；楊永杰搭金巴經港珠橋去珠海，仲喺當地做檢測兩次撲空，部分議員例如嚴剛同簡慧敏等就去咗港澳碼頭派水添！話時話，高鐵今日重開，之前帶團過關去東莞訪問嘅議員梁熙，預告今日會去搭高鐵，屆時實測情況係點呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
