政情：工會倡派萬元 可繳水電煤消費券

到底乜嘢係「電子民生消費券」呢？議員鄧家彪解釋，同過去嘅消費券形式不同，「電子民生消費券」可用於公共事業費用開支，如水電煤費、公屋租金等，達到解「燃眉之急」嘅效果。至於強積金制度改革，議員黃國要求設立保證回報率高於通脹1%嘅機制，以及盡快落實積金易平台、為低薪僱員代供5%強積金。

鑑於疫情令多個行業處於冰封狀態，議員陸頌雄建議政府設立「創就業復業基金」，落實勞官資三方協作，支援僱主大量招聘重新開設嘅職位、協助中小企業及旅遊巴公司添置物資、為閒置多時嘅旅遊巴提供維修保養嘅資助，提供資助培訓機構予行業進入復常嘅勞動力。針對本港生育率低下，議員梁子穎籲政府應有新措施，鼓勵市民「生多啲小朋友」。而議員郭偉强指政府應調整首次置業從價印花稅標準由200萬上調至500萬，減輕年輕家庭嘅負擔。