昔日東方政情：揮春肉酸狂嘲笑 麥潤培中回力鏢
成年人學書法，可以有好多理由，有人透過習字提升審美水平，亦有人冀以筆墨修養心性。沙田區議會主席麥潤培學寫書法多時，而當年促使佢下定決心，苦練運筆揮毫嘅技巧，一年一度為街坊寫揮春固然係原因之一，但其實羞於畫蚓塗鴉嘅字迹，先至係最強推動力。
揭原來係自己手筆
麥潤培喺社交專頁貼文，憶述十年前某日上樓做家訪，途中經過一位長者嘅家居，瞥見其門口所張貼嘅福字揮春，寫得非常拙劣，忍唔住大喝一聲，話手字咁肉酸，寫到好似鬼畫符咁就唔好幫人寫啦。佢仲形容寫揮春嗰位仁兄係「垃圾」添！但佢隨後定睛一睇，赫然發現福字揮春嗰張紅紙一角，印有佢嘅尊姓大名！
正所謂知恥近乎勇，麥潤培「的起心肝」跟高手學寫書法。由於字無百日功，佢話學書法寫咗12年，依家自己手字都算係見得吓人，可以畢業啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
