政情：哥哥隔離15次 麥美娟反思經典台詞

其實通關就係同全港市民有關，Alice咁講係因為有個喺內地做嘢嘅哥哥。佢喺社交平台貼文，話喺通關之前嗰日問過哥哥，喺呢兩年幾以嚟隔離咗幾多次同夾埋有幾多日？答案係：除咗返內地之外，加上去其他國家後返港隔離，大概隔離咗15次，大約200日。

仲記得一句電視劇經典台詞「人生有幾多個10年？」Alice都反問人生有幾多個200日？計吓數，佢哥哥都隔離咗大半年咁滯。佢話依家就可以告別隔離嘅日子嘞，而哥哥就可以多啲留喺香港幫手照顧老爸。最後佢仲提醒，話生活復常，但防疫工作唔可以鬆懈喎。