昔日東方政情：楊永杰做晒功課都冇用 內地核檢兩撲空
雖然話就話「通關」，但無論北上定南下，都係要手持48小時核酸證明，議員楊永杰前日就搭金巴經港珠澳大橋去珠海，尋日就係佢喺珠海嘅第二日，所以要籌備返港，但佢想喺內地做核酸時竟然兩次「撲空」喎。因乜解究呢？
去到醫院先話冇得做
其實內地喺邊度可以做核酸，係有個網站可以睇到嘅，楊永杰話尋日做咗功課，睇到網站話珠海高新區人民醫院可以做核酸，所以朝早去咗嗰度，但去到嘅時候，醫院職員就同佢講原來呢間醫院已經冇得做，就叫佢去第二個檢測點，即係金鼎文化廣場的核酸檢測區做喎。
「撲空」咗第一次，楊永杰惟有去嗰間醫院講嘅檢測區，但點知就「撲空」第二次。原來係因為佢大概一點幾就到咗，但係檢測區開放時段係上午8點至12點同下午3點至7點，所以只好隔多陣再去。撲空咁多次，佢就唔想大家重蹈覆轍，呼籲大家要留意核酸檢測地點同開放時間，仲要去之前打電話問清楚先啊！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
