政情：已打4針 管牧確診

隨住香港放寬防疫限制，但確診人數每日仍逾萬，有議員亦不幸「中招」。議員管浩鳴（管牧）尋日就喺社交平台貼文，話自己快速測試結果係感染新冠病毒，依家已按指引居家隔離緊。已打4針嘅佢都中招，佢向本報透露，話現時身體比較攰，有出現喉痛及發燒等徵狀，更一度「燒到38.5度」。不過，食咗退燒藥同新冠口服藥後，情況已經好番。