人肉霸位遭截胡 兩壯漢反斥司機打尖

事發於上周六中午近12時，地點位於何文田自由道。片中壯漢多次惡言相向，更以粗言穢語指罵私家車司機，批評他「打尖」將車突然駛入泊車位。雙方糾紛期間疑一度阻礙現場交通，片段中傳出數次響按。而貼文者亦表示，「人肉霸位，仲話想搞人架車喎」。原以為事件告一段落，未料私家車事主隨後在貼文留言反擊，並附上事發的車Cam片段，可見當時後方並沒有任何車輛駛至。車主直言，當時在路邊等緊泊車位，剛見到有車輛離開，便啟動座駕泊入車位，「佢（壯漢）人都未企出嚟，全條街又冇車，我就老虎都唔會讓㗎啦，不過我都唔會再回應」。

有網民就對人肉霸位的做法睇唔過眼，「平時睇係阿姐大嬸專利，麻甩佬老粗都去做？」「人肉爭個位，真係肉酸」。