昔日東方政情：陳學鋒念舊 議辦開響觀龍樓
又有議員開地方辦事處喇，今次「孖頭」嘅係港島西嘅立法會議員陳學鋒，同中西區前區議員楊開永。佢哋兩個尋日選擇咗喺觀龍樓度開地辦，究竟呢個地方有咩情意結呢？
形容係自己嘅根 見證成長
根據網上嘅資料，由高處下望，各座樓宇連埋就好似一條活生生嘅中國蟠龍，氣勢非凡，因而得名觀龍樓。之不過，陳學鋒指過去有垃圾焚化爐喺附近，環境狀況唔太理想，可謂烏煙瘴氣。但經過幾位前輩嘅努力，該區現時增設港鐵站同市政大廈等。況且呢度係佢第一份工嘅地方，形容係自己嘅根，不但曉有意義，且見證自己成長。
至於律政司副司長張國鈞都有出席開幕禮，佢指地區工作需要團隊精神，佢更指自己同陳學鋒等人，過往被稱為西環三子，昔日曾發揮「1加1大於2」嘅效應喎！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
