昔日東方政情：貢品花腰仔再現 洪雯話大有發展
年近歲晚，又係辦年貨嘅時候。上月底，漁農美食嘉年華喺旺角花墟公園復辦，議員洪雯就趁機去採購過年物資，買咗唔少本地農產品，當中包括傳說中嘅貢品大米「花腰仔」，佢認為充分結合科技、服務、製造等元素嘅漁農業，喺香港大有發展潛力。
購買唔少本地農產品
洪雯話買香港過去出產嘅大米不但貴為滿清皇室貢品，據講仲有雲呢拿香味添！不過，香港由上世紀60年代開始乏人種植大米，有關品種瀕臨失傳，幸好國際種子銀行存有香港大米嘅種子，漁農自然護理署聯同中文大學成功申請索取一啲種子並培育成功，繼而交畀本地農友悉心種植，結果傳說中嘅貢品大米「花腰仔」再現！雖然產量唔多，但洪雯都買咗一盒，除此之外，佢又購買本地出產嘅生態糙米，用嚟煲粥。
另外，當日喺漁農美食嘉年華，洪雯又遇見早前喺西貢深灣考察魚排所訪問嘅漁民，仲見到本地初創企業採用本地珍珠所研發嘅護膚精華、面霜同面膜。洪雯毫不猶豫立即光顧，話要試試本地珍珠面膜！跟住又買咗用珍珠貝做嘅XO醬，話撈麵一流！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
