政情：黃俊碩牛一 黨友把脈當禮物

Edmund喺社交平台貼文憶述舊年嘅生日，話當時因剛就任議員、加上第5波疫情爆發，所以冇乜點慶祝。上個月通過補選而進身議會嘅黨友陳永光，尋日就同埋郭玲麗、林琳、何俊賢等議員同事為佢提前祝壽，身為中醫師嘅陳永光仲即場幫佢把脈、贈上良方，Edmund形容對方係守護健康嘅強大後盾，十分感激咁話。

可能係講求「好事成雙」，為Edmund慶生嘅生日蛋糕都有兩個，仲要一個係圓，另一個係方。而Edmund亦祝願香港步向復常、經濟重拾動力、會計業界發展欣欣向榮。