政情：鄭泳舜被嫌字醜 寫揮春高手打救

話說已備文房四寶嘅Vincent，本來喺街站伏案寫揮春，期間有一位大叔路經，同佢講「你手字真係麻麻地喎，不如等我嚟啦！」結果就係咁，呢位大叔就坐咗Vincent個位，提起毛筆喺一張又一張嘅紅紙寫上吉利字句，而樂得清閒嘅Vincent就要求大叔唔好咁快走，因為排隊索取揮春嘅人龍好長呀！

Vincent又話，過往每年都會擺街站同街坊寫下揮春，但最近兩、三年就冇開。佢話通關在即，希望疫情趨於穩定，等大家都可以出嚟見下親戚朋友，開開心心咁食餐團年飯。