昔日東方政情：跨區行山 劉國勳去龍脊行大運
一年伊始，最好意頭嘅活動當屬登高行山。議員劉國勳雖然家住新界北，但日前就選擇跨區至港島南區嘅「龍脊」行大運，原因係呢條郊遊路線，路程短又容易行，值得推薦畀遠足新手。
石澳郊野公園嘅港島徑第八段，由打爛埕頂山至雲枕山之間嘅一段山脊路高低起伏，狀如龍嘅骨脊，所以稱為「龍脊」，遊人可以喺嗰度飽覽石澳、大浪灣甚至東龍洲嘅優美景色，加上高度只得284米，步行全程只需4小時，即使平時運動量唔多嘅人都可輕鬆應付。劉國勳喺社交平台貼文，話香港呢個城市，山徑多而短，且風景宜人，為不少外地朋友所嚮往，亦為部分離開香港嘅人所懷念。
話保育發展應平衡
劉國勳又提到香港係極具吸引力嘅城市，須珍視本身嘅天然優勢，亦要加快發展配合，佢話舊年政府接納其建議，精簡發展程序、優化北部都會區同中部水域填海等計劃。之不過，城市化不斷擴張，香港未來嘅自然風貌仲可以剩番幾多？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
